Fisikoki zein psikologikoki ahalegin eta denetariko arduraldiak eskatzen dituzten ekintzen aurrean behin eta berriz luzatzen ditugun erantzunak dira hauek. Nire kasuan bai, behintzat. Zorionez, bidearen zatitxo bat egina dudala esan dezaket, kontzientzia hartzen hasia bainago. Tira, aldaketa bidean pauso bat.
Euskaraz bada, baina, esfortzuaren aurrean eskerrak jaso eta gero erantzutekorik, norberaren ekintzak ez gutxiesteko ederra, gainera: ez horregatik.
Eskerrik asko zure denbora nire beharrak asetzera bideratzeagatik.
Ez da ezer. Irribarrea.
Ai, aldatzeaz gogoratu ere ez.
Eskerrik asko eginbehar hura bukatzen laguntzeagatik.
Lasai. Eta irribarrea.
Ui, ea hurrengoan.
Eskerrik asko min eman dizun hori identifikatzen erakusteagatik.
Ez da e... horregatik. Bingo!
Izan ere, norberarentzat kostua badu, bada, eta balioa eman behar zaio. Behar diogu.
Orain, hitzak ekintza bihurtzera.
