Modu batean zein bestean dela ere, aurrera egiten du, eta gogoz kontra bada ere, berarekin garamatza gu.
Denborak pintzel ikusezin bat du eskura itsatsia: gure gorputza den lienzoan aztarnak uzten dihardu, etengabean. Munduko pintura politena izango da, seguruenik, baita bat-batekoena ere. Gure kontrolpetik ihes egiten dute zertzeladok, arrastoak arbitrarioki ezarriz azalera osoan zehar.
Aurtengo denborak tinta indartsuago bat erabili du gugan marrazteko: azalean ez ezik, erraiak ere grabatu dizkigu, burdin goriz. Sakonean egin ditu artelanik bitxienak. Irauteko sortu dituen markak dira, betirako gurekin geratuko direnak.
Eta onartzea besterik ez; denboraren eskutik arrastaka joateko ez ezik, hura heldu eta bidelagun bihurtzeko.