Eguzkiak jotzen duen lekuan, baina, itzalak ere badira, eta ezin ahaztu ditugu jaietan “Zer EZ duzu ulertu nahi?” dioten kartelen begiradapean gertatu diren eraso sexista eta homofoboak. Hiri zein herri, Gasteizen, Lekeition, Baionan eta Arraiozen; zerrendak aurrera darrai, geldigaitz. Ez da neskarik, erasorik jaso ez duenik. Begirada lizunak, goitik behera biluzten zaituztenak; komunerako bidean ipurditik heltzen dizuna, kuadrillakoek ezikusiarena egiten duten artean; kaleetan jarraitzen dizun ezezaguna, etxeko ateraino batzuetan. Emakume izatera heltzeko erritu krudel hauen eskutik hamaika istorio elkarbana genitzake, ezta hainbesterako erantzuna jasotzen dutenak. Denon esku dago jarrera horiek aldatzea.
Denon esku dago ingurukoak zaintzea. Denon esku dago espazio seguruak sortzea. Denon esku dago jai paregabeak eraikitzea. Gazte eta heldu, izan gaitezen eredu. Ondo pasa sanmigeletan!
