Zutabe hau irakurtzen duten batzuek ziur irakurtzeko dauden liburuak deituriko zerrenda bat dutela. Ahaztu gabe argitaratzen diren nobedadeak izan nahiko lituzketela. Niri ere geratzen zait. Inguruko askori ere bai.
Denborarekin lortu dut gaizki ez pasatzea horregatik. Konpromisoa baino gehiago, irakurketak plazera izan beharko lukeelako.
Umberto Ecori irakurri nion liburuz betetako apalak farmazia bezalakoak zirela. Behar genukeen medikamentua aurkitu beharko genuke bertan. Larritu beharrean eta pentsatu ez dela liburu hori edo beste hura irakurri, pentsatu beharko litzatekeela egun txar bat edukiz gero hor daudela, orrietan daudenak irakurri ostean egoerak hobetzeko –edo laguntzeko larritasun horien pisuak kentzen–.
Ez dira irakurri gabeko istorioak, deskubritzekoak baizik. Sofako nire txokoan eseri aurretik, banoa liburu baten bila, ea zer berri aurkitzen dudan. •