Donald ahateak eta pitufoek ere badute berea. Urtaro bakoitzak uzta ezberdina, alabaina. Hilabeterik emankorrenak urria eta maiatza, 129 eta 103 nazioarteko egunekin; neguan, ordea, 45-50 besterik ez hileko. Batzuk, eguraldia bezain grisak: hala, urtarrilaren 17a izendatu zuten tristuraren nazioarteko eguna, egun horretan tristezia eta ezkortasuna gisako emozio ilunak biltzen ei direlako.
Denetarikoak aurki ditzakegu: gaixotasunekin eta janariekin loturikoak batzuk, sentsibilizazio eta aldarrikapen kutsua duten beste hainbat, eta, nola ez, abstinentzia digitalarenak, selfie-arenak eta laguntzaile birtualarenak ezin huts egin. Gehien harritu nautenen artean, globoan igotzeko nazioarteko eguna edota ilegorri bati muxu ematekoarena!!!
Ezerezaren nazioarteko egunik ez, ordea; horrelako bat izendatzea ere ez legoke gaizki, zer beste ospatu ez daukagunerako!