Baina, benetan, beharrezkoa al da egunero trebatzea?
Osasun arloko adituek astean 150 minutu, gutxienez, gomendatzen dituzte neurrizko jardueran, edo 75 minutu jarduera bizian. Eguneroko entrenamendu ohitura mantentzeko zailtasunak ditu jendeak, baina ikerketa berriek frogatu dute entrenamendu maiztasunak, akaso, ez duela eragiten pertsonaren bizitza-luzeran.
Ikerketa hauen emaitzek adierazten dute heriotza goiztiarraren arriskua, gutxi gorabehera, %30 murrizten dela astean bitan entrenatzen diren pertsonetan, eta %35 egunero entrenatzen direnetan. Aldi berean, ez da alde nabarmenik ikusten bihotzeko arriskuen murrizketan.
Ikerketa berriek gai honi buruz orain dauden gomendioak alda ditzakete. Oraingoz, argi dagoena da, nahiz eta aste osoa lanpetuta izan, asteburuan kirola egitea mesedegarria dela eta mundu guztiak bere errutinan barneratu beharko lukeela.
