Txinparta Filosofiaren bidez ikuspegi ezkor hori baliogabetzea da helburutariko bat. Filosofia zaleok asko izan gaitezke; pentsatzea, eztabaidatzea, gure ideiak partekatzea, kontrastatzea eta elkar osatzea gustuko dugun guztiok filosofoak gara. Txinparta Filosofia "Euskal Herriko filosofia zaleen sarea" sortzeko autoeratze prozesua da. Sortze prozesua publikoa eta parte-hartzailea izaten ari da –udaberri honetan loratzen hasita–. Txinparta Filosofian zera dugu oso garbi: munduko egoera ikusita, filosofiaren jarduera kritiko hori sekula baino beharrezkoagoa da. Ezin dugu pentsatu ezin dela ezer egin; aldaketa guztien oinarrian, beti, kontzientziazio lana izan da. Bestetik, ekintza filosofikoak ludikoak edo gozatzekoak izan daitezkeela ere garbi dugu –eztabaidak, zine-forum filosofikoak, afari edo poteo filosofikoak, artelanen azterketa partekatuak...–.
Begiratu txinpartafilosofia.wordpress.com eta adi Bergaran eta beste herri batzuetan izango diren bilerei.
