Euskal herritar batek gidatuko du aurten Euskal Herriko zinema jaialdi garrantzitsueneko epaimahai nagusia, Donostia Zinemaldiaren 72. edizioko Sail Ofizialeko epaimahaiburua Jaione Camborda donostiarra izango baita. Cambordak Galizieraz filmatutako O Corno lanarekin irabazi zuen garaikurra iaz, eta aurten berak izango du saria nori eman erabakitzeko ardura nagusia.
Zinemaldiak gaur ohar bidez jakinarazi duenez, O corno filmaren zuzendariaz gain, epaimahaia osatuko dute Leila Guerreiro idazle eta kazetari argentinarrak, Franz Kranz estatubatuar aktore eta zuzendariak, Christos Nikou greziar zinemagileak, Ulrich Seild austriar zinemagileak eta Carole Scotta frantses ekoizleak.
