Ikusi ditugu lehiaketa ofizialeko hamalau filmak, eta orain epaimahaiari eta Zinemaldiaren mugimenduei adi egoteko unea iritsi da. 143 film eskaini ditu Zinemaldiak egun hauetan eta egunero kazetari eta ikusleek gogotik berba egiteko lanak izan ditugu ikusgai. Urtero izaten ez ditugun ordu estra hauek egitarauari azken buelta bat eman, eta pasa den egubakoitzetik gaur arte zeresan gehien eman duten pelikulen paseak berreskuratzeko erabiliko ditugu. Dena den estreinaldiak ez zinema ez dira agortu.
Fernando Trueba zuzendariaren El olvido que seremos filmak itxiko baitu aurtengo Zinemaldia. Zuzendari madrildarraren proiektua hau ekoizpen kolonbiar bat da eta Cannes 2020ko Hautaketa Ofizialaren parte da. Aurkezpenean Trueba ez da bakarrik egongo, filmaren protagonista den Javier Cámara ere Donostian baitago.
Argitu da sorpresa
Abel Ferrara zuzendaria Donostia zegoela jakin bezain pronto, zurrumurrua piztu da. Film sorpresa zen izango zen jakitea falta zitzaigun, eta zuzendari estatubatuarraren bisita zen falta genuen pista bakarra. Ferrarak bi film ditu esku artean une honetan eta Siberia filma Sevillako zinemaldian estreinatuko zela jakina zenez... misterioa argitzea ez da zaila izan. Zapatuko film sopresa Sportin' Life izango da. Konfinamendu garaian egindako dokumental honek amaiera ederra emango dio 68. Donostia Zinemaldiari.
Sportin' Life gizartearen kronika artistikoa da, eta hainbat pertsonaren konplexutasuna azpimarratzen du, Saint Laurent-en konfiantza, indibidualtasun eta adierazpen pertsonalaren jarrera gogorarazten duten artisten begien bidez. Dokumentalak artista baten iturriak, sormenaren historia pertsonala eta funtsezko bizitza aztertzen ditu.
