Martxan da sukaldaritza ardatz duen Zinemaldiko saila, eta hasiera ezin borobilagoa izan du Arzak jatetxeari buruz Asier Altunak egindako dokumentalarekin. Juan Mari eta haren alaba Elena Arzakez gain, beste hainbat lagunek parte hartu dute pelikulan; Ferran Adrià, Pedro Subijana, Joan Roca, Karlos Arguiñano, Andoni Luis Aduriz edo Dabiz Muñoz, besteak beste.
Filmean sukaldaritza tradizionalaren eta modernoaren arteko eraldaketa erakusten da, belaunaldien arteko jauzia uztartuz.
Aurkezpenaren ostean afaria egon da, otordua, Basque Culinary Center-ean izan da eta Arzaken trebatu eta lan egin duten zazpi sukaldari ezagunek hartu dute parte.
