"Guretzat, zinemagileontzat, sari ederra da hau", adierazi du Costa-Gavrasek. Greziarrak hunkituta zegoen eta apaltasunez hartu du sari hau "miresten ditudan beste lankide batzuek jaso izan dute aurretik, eta orain nik ere esan ahal izango dut sari bera jaso dudala". Jose Luis Rebordinosek eman dio Donostia Saria bere garaiko gizartean gertatzen dena kontatzeaz gain, "ikusezinei" ahotsa eman izana eskertu dio.
Zuzendariaren alboan zeuden aktoreek ere hitz gozoak izan dituzte Costa-Gravasendako: "Behar izan dugu, behar dugu eta beharko dugu. Mila esker, Costa-Gavras", gaineratu du Loulisek, pantaila handian Varoufakisen papera egiten duen aktoreak.
Bere azken filma
Ekitaldiaren ostean, Costa-Gavrasen Adults in the Room filma eskaini dute. Yanis Varoufakis, Greziako Finantzako ministroaren, liburuaren zinemarako egokitzapena da eta Varoufakisek 2015eko lehen sei hilabeteetan, Greziako finantza-krisialdi betean, sortutako liburua da. Zuzendariak adierazi duenez, filma "tragedia" bat da, hitzaren "zentzu klasikoenean".
