Gehiegitan herrigintza kontzeptua darabilgunean desberdinen arteko batura beharrean besteak gure erretenera ekartzeko asmoa daukagu buruan.
Gehiegitan mantentzen gara bakoitza gure lubakian burua altxatzeko intentzio barik pertsona eta pentsamolde desberdinei bizkarra emanda.
Gehiegitan egin dugu eztabaida arrazoia edukitzeko beharretik.
Gehiegitan aurreiritziek osatzen dute ezezagunaren irudia.
Gutxiegitan egiten dugu bestearen lekuan jarri eta bere ikuspegia ulertzeko esfortzurik edo enpatia lantzeko ariketarik. Herrigintza izango bada, eredu zaharrak desikastetik etorriko da, eredu berriei atea irekitzetik, bestearengandik gauzak ikasi ditzakegun konbentzimendutik, eredua aldatzeaz batera norbera ere aldatzeko prest egoteko asmotik.
