Metalezko arrainak egiten dituen artisau baten denda topatu nuen orain gutxi pasieran nenbilela. Normalean pasatzen ez naizen kale batetik nenbilen, eta denda txiki estu baten erakusleiho baten aurrean gelditu nintzen. Dir-dir egiten zuen zerbaitek atentzioa eman zidan eta hara hurbildu nintzen, mika banintz bezala.
Antxoa bat zen, metal urdinxka distiratsuz egina. Hara! Metalezko arrainak egiten ditu! Arrain eta itsaski mota eta tamaina ezberdinetakoak, gainera, zein baino zein ederragoak!
Sekula santan ez nukeen hau Interneten ikusiko, sekula ez nukeelako metalezko arrainak bilaketa egingo eta aplikazioaren algoritmoak ez zidalako halakorik sekula iradokiko –futbolari buruzko edukiak ez bezala, nahiz eta nik sekula eskatu ez–.
Pasieran nenbilelako topatu nuen artisaua, pasieran nenbilelako izan nuen artisauarekin berriketaldi atsegina, pasieran nenbilelako ikusi nuen zenbat denda itxi diren eta zenbatek dirauten zabalik eta pasieran nenbilelako daukat orain antxoa-orratz ezin ederrago bat.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
