Erakusleihoetan Halloweeneko publizitatea ere ipini dute. Gabonetako iragarkien aurrekari. Hori bai, aurten online eskaintza handitu egin da; kate handiena, bereziki. Beharbada, ezingo gara etxetik atera, baina Internetez nahi beste erosi dezakegu. Birus informatikoak ez dira hilgarriak. Bidalketa-zerbitzuak lanez lepo dabiltza, konfinamenduaz geroztik.
Aldaketa datorrela diote, baina, momentuz, kapitalismoa eta indibidualismoa eroso daude normaltasun berria-n. Horregatik, inportantea da elkarlanari eta aurrez aurreko harremanei eustea. Denda txikien berotasunari, esaterako. Eta hori esanda, gaztainak erostera noa.
