Eraikinaren kanpoan, ilara. Plaka handi bat ikusi dut: ETAren atentatuetan hildako polizien zerrenda luzea. Lehenengoa, Meliton Manzanas. Oroitzapenak trumilka. Hari buruz entzundakoak: zertzuk egiten zituen atxilotuekin. Eta 16 urte nitueneko gau hartakoa ere bai: Torturarik ez zioen pegatina neraman soinean. "¿Quién te ha dado esa pegatina?". Nik hartu nuela. Edozein tabernatan. "¿Y te parece normal?". Baietz. Ez zitzaidala ondo iruditzen presoak torturatzea. "¿Y qué harías tú si matan a alguien de tu familia? ¡Tú harías lo mismo!". Begiak sutan, bibote gainean. Ezetz, nik: "No, eso no". Gaztetasunaren ausardia. Orduan kargatu zuen metraileta, ni paretaren kontra jarriarazita. Jomugan egonda zer sentitzen den erakutsi nahiko zidan.
Nortasun agiria berritzera joan naiz. Sarreran, maskaradun polizia nazionala. Plastikozko pistola ipini dit begitartean. Eta tiro egin du, tenperatura hartzeko. Inpresioa egin dit. Begiak itxi ditut. Eta aspaldiko oroitzapen bat etorri zait gogora. Bibotedun guardia zibila, nire belarri ondoan metraileta kargatzen. Kla-klak. 16 urte nituen. Hantxe bertan hilko ninduela pentsatu nuen. ETAkoa nintzela esango zuten, eta kito.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
