Olentzeroren oparia

Erabiltzailearen aurpegia

Badira Gabonetan modan jartzen diren opariak. Dendetan agortu egiten direnak. Olentzero erotuta ibili ohi da, haiek topatu ezinik. Jostailuak izaten dira, normalean. Eta aurten jostailu berezi batekin gertatu da hori: Satisfyer. Ez da umeentzat, hori da nobedadea. Jostailu erotikoa da, klitoria estimulatzen duena. "Bi minutuan, orgasmoa!", dio iragarkiak. Egundoko arrakasta ari da izaten. Eta sekulako hizpidea ari da ematen: "Hainbesterainokoa al da?"; "Lehen, janari azkarra… orain, sexu azkarra?"; "Probatu egin beharko dugu!"; "Zertarako ditugu hatzak?"; "Orgasmotzarra"…

Olentzeroren oparia izango da etxe batzuetan. Gehienetan, auto-oparia: ezkutuan irekiko den kaxatxoa. Sexua tabua delako oraindik. Gutxi hitz egiten da plazerari buruz – jatearen plazerari buruz bai, noiznahi!–, eta zer esanik ez emakumeon plazerari buruz.

Klitori hitza ablazioaz hitz egiteko erabili izan dute hedabideek. Euskaltzaindiak friki hitza onartu berri du… imajinatzen dituzu Klitori-xurgagailu hitzari buruz eztabaidatzen? Ber(ts)o Saio Erotiko Festiboa egon zen atzo, Donostiako Pandora tabernan. Klitori, koskobil, hankarte, orgasmo eta potota, errimategian. Gaia plazara ateratzen ari da!

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.