Jean Twenge psikologoaren ikerketako datu bat: bikotekiderik gabeko gazteen kopurua izugarri igo da, eta sexu-praktika jarraituak jaitsi. Gainera, asko gurasoekin bizi dira. Hori bai, bikotekidea dutenek ere denbora gutxiago ematen ei dute maite-jolasetan. Beste lehentasun batzuk dituzte: mugikorra, tableta, telebistako serieak… "Gure garaixan ez geukan telebisiñorik eta… zelabaitt entretenidu bihar!", esan zidan aitonak, arrazoia.
Ikerketaren arabera, gazte batzuek nahiago dute bakarlana; jostailu erotikoekin edo gabe. Komunikatzeko moduarekin ezin asmatu, eta aurrez aurreko sexu jarduerek "pereza" ematen diete. Beldurra ere bai, akoso eta indarkeriakasuengatik. Eta pornoak ere frustrazioa eragiten omen du: eredu hori jarraituta, askok ez dute sexu-harreman gozagarririk.
Horra "sexu-askatasunaren aroa". Usteak erdia ustel.
