Kontuz! Lapurrak! Etxe ondoko parkean ipini dute kartela. Ahateen urmaelaren ondoan. Kumaldi garaia dute ahateek. Eta jaio diren lehen 6 ahatekumeetatik 5 falta ei dira. Eraman egin dituzte, antza denez. Lapurren deskribapena ere badator: 35 urte inguruko bikote bat, mutila eta neska, 'modu deportiboan' jantziak. Zerbait ikusten baldin baduzu, argazkiak atera eta deitu Udaltzaingora.
Harrituta nago. Zertarako lapurtu ahatekumeak? Jateko? Saltzeko? Kazetari sena piztu zait. Gizon bat beste gizon bati azalpenak ematen dabil... Parkeko zaintzaleetako bat da: ahatetxoen ibilerak zaintzen dituen jubilatuetako bat. Aurreko kumaldian 25 baino gehiago lapurtu zituztela kontatu digu. Iluntzean, motxilan sartuta. Ez daki zer arraiotarako.
Zisne zuri bat dugu parez pare. Lapurreten lekuko isila. Hortxe egoten da beti, bakar-bakarrik. Dotore, lasai. "Bi ziren, baina honek bestea hil zuen. Horregatik ez dute besterik ekarri". Ahate-lapurrak eta zisne hiltzailea! Etxe ondoan. Ez dago New Yorkera joan beharrik! Parkera noan hurrengoan argazki-kamera gertu izango dut, badaezpada.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
