Zaratatsuak dira, harroak. Borrokarako prest. Gandorra igota beti.
Olatu txikiak oharkabean pasatzen dira. Denak dira hain berdinak… Isilak, xumeak. Siesta usainekoak. Bareak.
Badira bestelako olatuak ere. Orain txinpartatsu orain lasaieran, itsasoari kolore berezia ematen diotenak. Alaiak dira, ez arranditsuak. Sorpresaz beteak. Jolaserako gertu daude.
Gu ere olatuak lakotxeak gara.
Batzuetan harkaitza jotzen dugu. Erasokor, amorruz. Nahiz eta badakigun ez dela apurtuko.
Besteetan erdi hilak dirudigu. Ilusioa galduta. Astiro goaz, isilik. Inoiz inor ito ez bagenu bezala. Edo gainerako olatuen beldur. Ez dugu nabarmendu nahi.
Baina gai gara inguruko denak zipriztintzeko ere.
Gure ilusioarekin, bizipozarekin.
Halakoetan, itsasoak ere gurekin batera egiten du dardar
Eta hori gozamena da!
