Gero eta bus gehiago dago, mugikortasunaren mesedetan. 50 pertsonako autobusak, gidari bakarreko 50 auto ordezkatzen ditu, eta egin kontu…
Baina badago zer hobetu. Bidaia-txartelak online erosteak lehentasuna du autobusera igotzerakoan, Mugi eskuetan izanda ere… Eta lekurik ez badago, espaloian utziko zaitu txoferrak.
Roneoko geltokian egoten diren 40 lagunentzako goizerokoa da hori, lanerako edo unibertsitaterako funtsezko garraioa izan arren espaloian gelditzen baitira batzuk, leku faltagatik.
Nonbait, ez zaizkio kontuak ateratzen enpresari bi autobus edo handiago bat antolatzeko. Bestalde, Gasteizera autobidetik zutik joateko aukera ematen dute… segurtasun-uhalik barik!
Autobusak ez al lirateke irabazi asmo gabeak izan beharko, publikoak, guztiontzako, funtzioz eta ekonomiaz, eta, bide batez, sarriago-edonora eskaini? Prentsaurrekoak aldiro eman baino gehiago, zer nora begiratu badago!
