Politikan eskuina da kontserbadorea, edo, bestela esanda, ezer aldatuko ez lukeena, klaseak bere horretan mantentzearen aldekoa. Eta ezkerra, aldiz, aldaketaren aldekoa, progresistatzat jotzen da.
Eta gure buruak nola klasifikatzen ditu bere inkontzientean?
Bada, eskuina –erdaraz, behinik behin– zuzena, zuzenbidearekin lotuta, ondo dagoena, gehiengoak idazteko erabili ohi duguna, bidea zuzen egiten dakiena, eskubideak dituena, tentea. Ona ei da eskuina izatea!
Eta hara hor ezkerrari buruz gure buruak dioskuna, ezohikoa, utzia –ingelesez–, siniestroa –italieraz–, bestea, txarra…
Hargatik pentsatuko du eskuin botereak berezkoa duela agintzeko dohaina, autobidean eskuinetik aurreratzen duenak modura, jende xehea ez dela kudeatzeko gai ustez eta aldaketak zailduz.
Irulegiko hark zergatik hautatuko ote zuen eskuin eskua?
