Karmele Jaiok Ez naiz ni errelatoetan dio: "Zailena ez da zahartzea, zahartzen hastea baizik". Atakan zauden onarpena, besteen begirada nola aldatzen den ohartzea. Haren edozein libururekin fusionatzen naiz, nire bizipenak diren sentsazioaz.
Miren Amurizaren Basa-k maisulana den Amama filma ekarri dit akordura. Bizimodu ezberdinen arteko talka idazkera soil eta bikainez jantzia.
Eta Itxaro Bordaren Euri zitalari esker, bizibide berrira doan pertsonaiak Itoizek modura harrapatu nau, hiztegia alboan, elearen dantzan miretsita.
Eta nola ez, Arantxa Urretabizkaiak Azken etxea-n ederto islatzen du etapa aldaketa baten desioa. Eta berak dioen bezala, gurago nuke zahar errebeldea izan.