Eta honek planetaren orbitan lerro tangentzial perfektua irudikatzen du. Bi gorpu zerutiar, balsean dantzan, bikotea balira bezala. Euskaldunontzat, hilen argia edo ilunean argia izan da, itsasargi baten bide, zeruargi gidari bat. Eta bestalde, ilunari beldurra, babes faltan, ilbeltzetik datorkigu. Eta Ilargiak gure itsasoa ere maneiatzen du, mareak noiz bizitu erabakiz. Olatuak eraikiz. Eta naturaren egutegian, eragin ziklikoa du, 29 egunetik behin gertatzen baitira mirariak. Bizitzeko, bata zein bestea behar ditugu, hala beharrean. Eta lurtarrok, Ilargira joan nahi eta 50 urte pasa diren honetan, bertan estazio finkoa jartzea erabaki dugu.
Susmoa dut, zaborra itsasoan ezkutatu bezala, orain arte aldaketa klimatikorik onartu ez duten lunatiko-ek Martera ihesi joateko planak egiten dihardutela. Berandu batean, gehiengo lurtarrok hemen gelditu beharko dugu, ala denontzako plaza egongo da?