Ospitalean, eguna argitzean

Erabiltzailearen aurpegia

Bestelako pentsioa da ospitalea. Kaleko oinezkoengandik urruti gelditzen den geltokia.

Gosearen jokoetan 9. distritua lez, non ezer ez den berdina. Tokatzen denean, egunerokotasunetik at dagoen beste mundu batera bidaiatzen duzu. Bizitza antolaketa ezberdin batean. Eta bertan, bizitoki dute gaixorik daudenak, istripua izan dutenak, operazio zain daudenak, edo jaiotzaren eta heriotzaren ateetan daudenak. Eta, zorionez, hemen daude beti, inurri langileak legez, urdin, zuri eta larrosadun langileria prestua. Egunez eta gauez, korridoreetan, arratsaldeetako bisitariak desagertu ostean ere, isiltasun eskergarriekin batera, tirri-tarra jardunean.

Badago territorio honetan funtzioen mailaketa, eta antolaketa bat ere. Medikuek hitza, profesionalek betebeharra, eta familiak maitasuna. Eta zaintzaile egokitzen zaizunean, logelatik ateratzean, kafe makinara, komunera bidean txabusinadunekin gurutzatzean, agurra egin egiten diozue elkarri, bere egoera konpartituko bazenu bezala. Lehenago ala geroago, denok pasatu behar baitugu ospitaletik: batzuetan, osatzeko; eta, ziurrenean, agurtzeko.

GOIENA KLUBEKO BAZKIDETZA %30 MERKEAGO

Goiena Komunikazio Taldeko hedabideek lehentasunezko mezenasgo jarduera izendapena dute. Ondorioz, Goiena Klubeko bazkide baldin bazara zerga onurak ezarriko zaizkizu Goienari egin diozun ekarpenarengatik.

Goiena Klubeko bazkidetza kuota %30 merkatuko zaizu errenta aitorpena egiterakoan.

BAZKIDE EGITEKO, DEI EGIGUZU: 943 25 05 05 edo egin klik hemen.


Zerga onurak izateko datuak bete