Zita prebia

Erabiltzailearen aurpegia

Komisarietako funtzionarioak. Inoiz eguzkia ikusten ez duten bizidunak bailiran; bertan lo egin eta goizetan jende aurrera ateratzen direnak.

NAN eta pasaporteak egiten dabiltzan makinak. Halako batean, "Gasteiz" irakurri du funtzionarioak nik betetako paperean, eta esan du: "Ah, euskaldunasss!", bat-batean ulertuko balu bezala. Noski, euskaraz hasi zaigu; beno, saiakera egin du, eta ostean, erdarara pasatuko dela abisatu digu. Txalaparta doinuak entzun ditugu nonbait. Orduan esan diogu: "Ez dizugu eskatu egiterik ere". Eta berak: "Aizu, ni ere euskalduna naiz gero, e!". Aibalaostia, eta harro gaude!

Ze demontre gertatzen zaie polizia administratiboei… edozein komisariatan aurpegi bertsuak ikusten dira. Badirudi ez direla oso kontent haien lanekin, edo herritarrekin. Eta hala esan zigun: "Jakizue pasaportea egiteaz gain, NAN egiteak lanetik 15’ beranduago ateratzea suposatzen didala". Gu mutu. Eta jarraitu zuen: "Baina horrek zuei ez dizue axola, noski". Gu orduan ere ixo! Barrunbetik aterako liratekeen orroek ez lukete lekurik haren ulermenean, gure denbora ez baitu inoiz aintzat hartuko.

GOIENA KLUBEKO BAZKIDETZA %30 MERKEAGO

Goiena Komunikazio Taldeko hedabideek lehentasunezko mezenasgo jarduera izendapena dute. Ondorioz, Goiena Klubeko bazkide baldin bazara zerga onurak ezarriko zaizkizu Goienari egin diozun ekarpenarengatik.

Goiena Klubeko bazkidetza kuota %30 merkatuko zaizu errenta aitorpena egiterakoan.

BAZKIDE EGITEKO, DEI EGIGUZU: 943 25 05 05 edo egin klik hemen.


Zerga onurak izateko datuak bete