Jokoa kirol taldean bada, fisikoaz gain, lidergoa, ekintzailetasuna, elkartasuna, parte-hartzea… denak batera jorratzen dira, taldearen onuraren helburuari jarraiki, erkidegoan murgil egin eta motibazioz blai ateratzeko.
Taldean aritzea, bizitzan bezalatsu, gizarte sarean murgiltzea baita. Pertsona ororen erronka da, bakunak ez baitauka zentzurik, ez bada familian, lagun artean, lanean, eskolan, auzoan… jende artean erroldatzea.
Gurean eskubaloiak du presentziarik, eskuz esku pasatu eta gola sari bilakatu arteko baloi jokoak. Tamalez, nire gaztetako garaian ez bezala, neska taldea gaur ez dago bermaturik. Hala ere, seguru nago gura izatea ez dela arazoa.
#sportwithvalues mugimenduak baliatzen dituen legez, animatu gura nituzke neska-mutil oro edozein talde-kirol egitearen onurak dastatzera. Etorkizunerako prestakuntza makala baita, coach-aren laguntzarekin, gaztetatik talde izaera lantzea.