Orduan, mendi itzulia egin asmoz geratu ginen Leixargarateko txabolan lotara, gerora Hiru Handiak hiru-egunetan izango zena frogatu guran. Orduan egin genituen Murrukixokoak lagun, ariketa espiritualak medio, gaur oraindik lagun darraigunak.
Bada, asteburu pare bat dela, berriz eta ohitura legez Leixargarateko txabolan pasa duguna gaua. Azkenaldian umeak ere gurekin etortzen dira, eta gure ohitura oraindik ez espiritualei jarraiki, oinez igotzen dugu asteburua bertan pasa asmoz. Baina azken urteotan bi txabolak okupatzen ditugun jende kopuru andana egoten gara.
Euripean paradisuan egon ginen. Non egon daiteke bada hobeto, gure adinean lagunekin hizketaldi sakonak, hitz aspertuak, eztabaida eta barreak presarik gabe eta kotxea hartzeko beldurrik gabe? Gutxiegitan aprobetxatzen dugun aukera horietariko bat da txabola, sutondoan goxo eta naturaren erdian gozatutako egonaldia, nagusiek zein gazteenek atseginez urtero errepikatzen duguna. Bizipen gogoangarria!
Bertako paradisua da mendi taldeok hain txukun kudeatzen duten aterpea. A ze zortea daukagun mendizaleok!
Eskerrik asko benetan Besaideri eta Murrukixori.