Beraiekin batera, lorpen hau posible egin dutenei, eskerrak eman nahiko nizkieke: partidu guztietan, etxean zein kanpoan, alboan izan zaituztegun bazkide, guraso, lagun eta zale guztioi, mundialak zarete! Harrobiko gainontzeko entrenatzaile eta jokalariei, bereziki, Lehen Mailako Erregionaleko taldekideei, lehen taldeari emandako laguntzagatik. Edozertan laguntzeko prest gure ondoan izan zaituztegun guztioi eta klubeko babesleei. Ekainaren 10eko Mahonero Egunean espero zaituztegu guztiok.
Ezin ahaztu orain bi urte gurekin batera proiektu honetan hasi ziren Pedro Rico eta Iñigo Zaitegirekin, garaipen hau zuena ere bada. Eta, nola ez, zuzendaritza taldeko lankideak. Momentu on eta txarretan, bat eginda, indarrak batu eta elkarrekin hau guztia aurrera ateratzeko egindako lanagatik. Zuek ere mundialak zarete!
Zorionez, ametsa ez da amaitu, eta oraindik gauza handiak ditugu jokoan.
Mila esker denoi; aupa Bergara!
----------
Iosu Elorza Alberdi
Bergara Kirol Elkartea
Bergara
