Horiek guztiak gizakiaren adimenaren ondorio dira. Hamaika ikusteko jaioak gara.
Eta guk geuk besoak gurutzatuta segitzen dugu klima aldaketaren aurrean. Zer behar du gizarte honek berehala mobilizatzeko? Barka diezadala egiten ari denak. Are gehiago, nire errekonozimendu eta begirunerik zintzoena.
Gutako bakoitzak ingurumena errespetatzeko ekintza zehatz batzuk egingo balitu, horren eragina nabaritu egingo genuke. Badakigu zer egin behar den, baina ez dugu egiten. Ondo informatuta bagaude, jabetzen gara eta badakigu nola konpondu arazoa; hala ere, ez dugu egiten. Birziklatzea, ura aurreztea, alferrikako kontsumoa saihestea, paperontziak eta edukiontziak erabiltzea... horiek guztiak dira behar-beharrezko.
Gizarte osoaren konpromisoa behar da, eta domino efektua, nire iritziz, bakarrik etorriko da. Oraingoz, egoismoa soberan dago, eta gizarte-kontzientzia eta komunitate-sentimendua falta dira. Euskadi beti izan da egiteko gehiago esateko baino. Aplika dezagun.