Burujabetza behar dugu

Erabiltzailearen aurpegia

Espainiako Estatuaren jarrera zentralistak ez du mugarik: defizit muga ezartzen digute, bandera espainiarra ezartzeko agindu ziguten, Udalbiltzari bideratzen diogun diru laguntzari salaketa jarri diote... burujabetzaren murriztea dakarte guztiek ere.

Orain berriz, euskal presoen euskal herriratzea (beraien legeak betetzea, alegia) aldarrikatzen duen kartela kentzeko agindu digute batetik, eta Espainiako Gobernu Ordezkaritzara bidaltzen diren akta guztiak gazteleraratzeko bestetik.

Adierazpen askatasunaren aurkako eraso larria da lehena, beste behin ere presoak eta beraien eskubideak egoera politikoa baldintzatzeko erabiliz. Bigarrena, berriz, euskaldunon aurkako eraso berri bat da, Euskal Herria euskalduntzeko dugun bide luzean atzerapauso garrantzitsua. 

Nekagarria da etengabe legearekiko talkan ibili behar izatea: legea bete gure irizpideen aurka, edo desobedientziara jo eta horrek dakartzan ondorioak onartu. Ba al du zentzurik gobernuan egoteak egoki deritzegun erabakiak hartu ezin baditugu? 

Egoera honi buelta emateko bidea gure lege propioak egitea da. Beraz, inplika gaitezen burujabetzarantz egiten diren ekimenetan, gutxi batzuon eskuetan ez, guztion eskuetan dago eta! 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.