Aipatutako eraldaketa horren erakusgarri da, adibidez, joan den astean Kulturolan ospatu zuten Arrasate Kirol Sarien banaketa ekitaldia. Nola ez, EAJko zinegotziak Arrasateko kirol munduari aitortza eskaintzeko asmoz hurbildu ziren, baina, ekitaldia hastear, alkate anderea modu bortitzean gerturatu zitzaien, eserita zeuden aulkietatik altxaraziz, atzealdera bidaltzeko. Egoera ulergaitz eta lotsagarria izan zen.
Morras alkatea, horrela ez, mesedez! Arrasateko EAJri ez zaio barkamenik eskatu behar hauteskundeak oraingoan beste alderdi batek irabazi dituelako, azken egunetan nonbait irakurri dudan bezala. Ez horixe! Demokrazian irmoki sinisten dugunok herritarren ahotsa eta botoa onartzen eta errespetatzen dugu.
Baina bai espero dugu agintaldi hasiera-hasieratik Maider Morras alkatearen errespetua, ez baita berria Udal Gobernuko zereginetan.
