Onartu beharra dago oso zaila dela gizonezkook ibilgailu propioarekin mugitzeko diseinatutako herri bat emakume, ume, adineko eta guztiok oro har oinez modu seguru, eroso eta errazean mugitzeko herri bihurtzea. Zailtasunak zailtasun, hainbat neurri hartu dira: radarrak, auzoetako igogailuak, ekobulebarra, ur-parkeak, errepideak oinezkoentzat izatea, bidegorri sarea zabaltzea, 3. autobus linea, zebra-bide adimentsuak edo Trafiko eta Aparkamenduaren Ordenamendua (TAO).
Hala ere, herritar askok nahiko lukete dagoeneko bidegorria Musakolako polikiroldegiraino heltzea edo Zarugaldeko errebala oinezkoena izatea. Bi neurri horiek ere laster helduko dira, umeak berriro eskolara bakarrik joaten ikusteko edo aparkaleku bila bueltaka dabilen trafiko kutsatzaile-kopurua murrizteko, ausartak izaten jarraituko baitugu oinezkoen aldeko iraultzan.
