Umeen aske ibiltzeko guneak handitu eta gehitzeko. Herrigunean ere naturaz gozatzeko aukerak hobetzeko. Kaleetako zarata murrizteko. Kutsadura gutxitzeko. Nagusiek atsedenleku gehiago izateko. Zuhaitz gehiago landatzeko. Bidegorria modu seguruan eremu hiritarrean txertatzeko. Istripuak ekiditeko. Hau da, arrasatearron bizi kalitatea hobetzeko.
Eta hau guztia 2003-2007 legealdian Ignazio Lakunza alkateak eta Agustin Ugarte Hirigintzako batzordeburuak izan zuten izugarrizko ausardia politikoari eta etorkizunerako ikuspegi ezin hobeagoari esker ari da errealitate bihurtzen. Ekobulebarraren oinarria beraiek ezarri baitzuten Garibai etorbidea ibilgailu partikularren pasabide izateari utzi ziotenean. Balentria hari esker, dagoeneko Maalako biribilgunearen inguruan hasi gara arestian aipatutako hobekuntza guztiak badatozela sumatzen.