Arrasateko abeltzainei, eskerrik asko!

Erabiltzailearen aurpegia Ibon Arrupe 2021ko urt. 16a, 00:00

"Kurtzetxikiko tontorra zoragarri dau!". Azkenaldi honetan Arrasateko kaleetan bor-bor entzuten den komentarioa da. Oraintsu arte, batez ere, udaberriaren eta udazkenaren artean gozatu ahal izan dugu bertaratzen ginen guztiok, eta poz handiz ikusi dugu urtetik urtera bertan gurutzatzen garen mendizale kopurua nabarmen handituz joan dala.

Baina, negu honetan, elurraz disfrutatzera joateko toki paregabea ere badela ohartu gara, eta hori festa! Gazte eta nagusi, tropelean jo dugu tontorrera. Eta hau guztiau, gehienok ez ohartu arren, Arrasateko abeltzainek sorturiko Larragain Elkarteari zor diogu. Beraiek ekin zioten orain sei urte Kurtzetxikiko larreak berreskuratzeko lan gogorrari, galzorian aurkitzen baitziren; sail osoa goldatu, belarra erein eta mimo handiz ongarrituz; urtero-urtero, neke gabe, aspertu gabe.

Eta hona hemen arrasatear guztion gozamenerako uzta. Zorionak eta eskerrik asko!

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak