Eibartar petoak esango lukeen bezala foballaz, ez futbolaz. Bertako foball taldeak ondo mereziak ditu mundu zabaletik heltzen ari zaizkion laudorioak eta akzio harpidetzak. Merezi ditu aurrekontu txikia izanagatik goi mailara jauzia egitea lortu duelako, eta bere foballariek, talde umilak ere goi mailara iritsi daitezkeela erakutsi digutelako.
Iristea zaila bada, gogorragoa izaten da itzulera, foballak sortutako burbuilaren jokamolde desegokietan erortzea erraza izaten delako. Diru-sarrera eta gastu handiagoak, oraingoak baino hobeak ez diren jokalarien nahikeriak…
Goranzkoan asmatu duten bezala, beherako bidea datorrenean ere, harro eta zuhur egiteko gai izan daitezela.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
