Naturak izugarrizko indar erakustaldia egin du berriz. Ama lurra zauritzen ari gara, eta hark guri, odolkiak ordainetan.
Gure buruzagiek nahiago dute indar DANAk, klima aldaketan baino gehiago, beste istorio batzuetan xahutu. Mundu DANA dago aldrebes.
DANA aldatzen dela dio Ines Osinagak bere kantuan: Klima aldatzen da aroz eta artaldeak zelaiz. Eta artaldeak bezala migratzen hasi dira turistak hegoaldeko beroetatik kantauriar kostaldeetara.
Baina badira klima aldaketagatik beste lurralde batzuetara beharragatik migratu behar dutenak. Gehienak hirugarren munduko nekazari eta abeltzainak, beraien ekosistemetan gertatu diren aldaketak eraginda. Ingurumen-migrazioak aurrekaririk gabeko proportzioak lortzen ari dira, eta, horren ondorioz, jende anDANA behartuta desplazatzen ari da munduan.
2022an, 33 milioi pertsonak desplazatu behar izan zuten eta azken hamar urteetako batez bestekoa %41 hazi zen.
DANA dela, konponbide zaila ikusten diot.
