Gainera, kontra daudenek esaten duten arrazoi berberagatik: "Horrela ez dugu pentsatzen beste arazo batzuen gainean"... Eta?
Alde batera begiratuta (ez dira nire hitzak baina bat nator): "Hezkuntza publikoak murrizketa ikaragarriak izan ditu azken hamarkadan, eta horrek dakartzan ondorioak argiak eta nabariak izan dira: langile kopurua murriztu, hezkuntza langileen baldintzak okertu, ikastegietako baliabideak murriztu, azpiegiturak okerrago…"
Bestera: "Milaka pentsiodunek protesta egin dute, pentsioak kudeatzeko politika soziala salatzeko…" Orain dela gutxi izan da martxoaren 8a; emakumeen aldarrikapen eguna. Zenbat urtetan? Eta, zenbat urte geratzen zaizkigu oraindik?
Hau da bizitzea tokatu zaiguna, ez dago besterik. Arazo guzti hauekin borrokatu behar dugu egunero. Bakoitzak, ahalik eta hoberen dakien moduan egingo die aurre.
Eta borroka hauetan, astean behin, atsedena hartu nahi dugunean, barkamena eskatu behar?
