Barneko futbol 7 torneoa jokatu da HUHEZIn

Urtarrilak 30 goizean jokatu da Aretxabaletako Ibarra futbol zelaian Huhezi barneko neguko futbol 7 torneoa. Guztira 6 taldek hartu dute parte: hezkuntzako bost taldek eta Ikus-Entzunezko batek. Guztira 70 ikasle inguru aritu dira futbolean eta eguraldi traketsa egin badu ere, ederki aritu dira lagun artean jokatzen. Txapelketari dagokionean, hezkuntza 1.mailako "Benja 2.0" taldea izan da irabazle. Finalean 4-2 emaitzarekin gailendu zaio iazko garaile izan zen "Ostias Pako!" taldeari. Irabazleek otsailaren 11an, Arrasaten jokatuko den MUko txapelketan parte hartzeko aukera eskuratu dute.