"Ahaztu" horiek historiatik kanporatuak izan dira bidegabeki; horien artean emakumeak daude. Biztanleriaren erdia izan arren ez dira era justuan tratatu, ezta historian ere. Begira diezaiegun erregeei, iraultzaileei, artistei eta beste askori, guztiak gizonak.
Aurreko batean deskubritu nuen Mercedes Sosak abestutako kantu bat, Juana Azurduy izenekoa. Borrokalari horren historia kontatzen da; 1780. urtean jaioa, espainiarren aurka borrokan jardun zuen XIX. mendean eta lau seme-alaba eta senarra galdu zituen egungo Bolivia askatzeko gerran. Senarrari lagun egin zion borroka guztietan, eta hori hil zenean gerrillariek, batez ere indiarrek, osatutako talde txiki baten buru jarri zen. Simon Bolivarren historia interesgarria dela baderitzozue, mesedez, irakur ezazue emakume horren gaineko zertxobait, bakarrik justizia egiteko bada ere.
Ikusi duzue, patriarkatuaren zapalkuntzaren tentakuluak gune askotara iristen dira, baina zorionez, emakume eta gizon askok egunero-egunero jarduten dute borrokan berdintasuna posible izan dadin.
Nik bat egingo dut, eta zuk?
