Hori da duela gutxi irakurri dudan liburua. Txikitan intsektu eta animalia bihurtzeko zaletasuna zeukan ikertzaile batek idatzi zuen.
Edozer gauzatan transformatzeko duen kapazitate handia dela eta, ikusmenik gabe funtzionatzen duen gorputz bihurtzen saiatu da oraingoan. Ikusmen barik, baina ez hanka bat falta duen lau hankako aulki orekagabea; hasieratik, hiru hankako aulki orekatua baizik.
Horraino iristea ez da erraza, baina bihurtze horrekin, informazioa jasotzea, gure ikusmenarekiko gehiegizko menpekotasuna alde batera utzi eta gure gorputzaren potentziala ezagutu nahi du.
Ikerketan zehar ikusi du itsu izatea ez dela bistaren falta, baizik eta buruan gorputzak gordetako ate sekretua zabaltzea. Beraz, ikusteko ez dira begiak izan behar beti.
Belarriekin ikusi, begiekin entzun, sudurrarekin jan, ahoarekin usaindu... Hau da gorputzaren malgutasuna!
Oraindik ez dakigu asko gure gorputzari buruz; akaso, desgaitasuna esaten duten horretan egon daiteke gakoa.
