Aste honetan bete dira 70 urte Arantzazu berria eraikitzen hasi zenetik. Eraikin hura Eliza barnean zegoen –eta dagoen– tira-bira baten adierazpen nabarmena izan zen. Frantziskotarrek egindako apustua eta arte modernoaren izengoitiak fedeari egindako erronka denen bistan daude.
Elorriarenpean bizi direnak, etorkizuna galdu gabe, aurrera egiteko pausoak ematen hasiak dira. Ez Elizatik, ez herritarren aldetik, ez dut uste frantziskotarrek merezi duten esker ona jaso dutenik. Errodrigotxok egindako galderari buelta emanez, zuk, Arantzazun, zer? Erantzun jatorrak emanez gero, ez al genuke fraide horiek egindakoari gure atxikimendua adieraziko? Arantzazurako joera eutsi eta indartu, "Arantzazuko lagun" egin eta Arantzazuko ekintza ezberdinetan parte hartzea dira, besteen artean, gure egitekoak.