2020ko api. 26a, 00:00
Zama bihurtzen ari den aldi tamalgarri honetan, "bertan behera" gelditu dira ekintza, gonbidapen eta eginbehar asko. Bizitza guztiz programatua daramagu: efikazia eta nagusitasunaren ordainean. Oporraldiak amaitu bezain pronto, hurrengoak amestu eta antolatzen hasten gara. Gure etorkizunaren jaun eta jabe garelakoan bizi gara. Baina errealitatearen aldakortasunak gure kontra egiten duenean, gure asmoak, egitarauak, ohitura eta, oraingoan bezala, bizimodua bera ere bertan behera doaz. Lurra jo arte? Lur jota gelditu arte? Ezta pentsatu ere. Etorkizuna bada.
Askotan, ez da izango guk nahi, desiratu eta antolatuko genukeen bezalakoa, alderantziz, burua makurtu beharko dugu eta pertsona, familia eta herri bezala osatzen gaituzten balioetara berriro bueltatu eta haiek bertan behera inoiz utzi gabe, modu berrian antolatuko gara. Horrelakoetan, gizakion aldatzeko ahalmena miresgarria da. Jesusen Pazkoa hor dago: gurutziltzatua, maitasunaren eraginez, bizidunen lehen Seme bihurtu da.
Bai, momentua da bihotzak goraino altxatzeko
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.