Zibilak

Erabiltzailearen aurpegia

Arrasaten zibilak behar dira. Ezaguna dut Martuteneko okina. Urtero, Pilarika egunaren inguruan, sekulako dirutza sartzen du bere patrikan. Bera da malapartatutako Intxaurrondo kuartelerako jaiegun horretan 2.000 opil baino gehiago egosten dituena.

Aurten, eguna bazetorren, lanean hasita zegoen, eta, zibilek deitzen ez zutelako, berak telefono hartu eta komandantziara deitu zuen; hara, bere haserrea, bertatik esan ziotenean aurtengo festa kenduta zegoela "la tropa está en Cataluña" telefonoz beste aldetik esan ziotenean.

Ez, ez nabil esaten Arrasaten txapel okerren beharrik dagoela, ez. Behar duguna zera da: hileta zibilak. Gaia ondo ezagutzen dut. Orain arteko hiletak edo elizkizunak militarrak edo batere ezekoak izaten dira. Eta badator garaia, ailegatzen ari da, non eta hileta zibilak beharrezkoak izango diren: ondo landuak, goxoak, bakoitzaren kontzientziaren errespetuan, erosoak...

Bizilagun batzuek (civis) gaia mahai gainean ipini nahi dute. Merezi du.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.