Urtean zehar ere ikusten dira han-hemenka ostadardun totebagak, pultseratxoak, banderak… baina ez ekainean bezainbeste.
Harrotasun betean gaude, cis eta trans bereizten ez dakien zure osaba despistatuak E28an berriz ere zorionak emango dizkizu M8an egin zuen bezalaxe, oraindik ez baita ohartu, zuretzat, bollera izatea dela emakume ez izatea, eta ez lesbiana izatea. Nola azalduko diozu ostadarraren koloreak politak direla baina sinbologia hau ez datorrela bat zure jardun politikoarekin, zure egunerokotasuna haratago doala eta ez zarela horretara mugatzen?
Balia ditzagun egunok esateko maite ditugula gure lagun femmeak, butchak, marikak, lodiak, kuirrak… Gorroto ditugula gure bizitzetatik etekin ekonomikoa atera nahi dutenak bezainbeste, terfak, aboloak, burgesak, gizonak…