Ederra bezain laburra; ezustean joan baitzara gure albotik, agur esateko astirik gabe, eskerrak emateko aukera barik. Horixe da aurrez aurre esateke geratu zaiguna: mila esker!
Eskerrik asko gure bidelagun zintzoa izateagatik, herriaren alde etengabe jarduteagatik eta unerik zailenetan goiari eusteagatik. Zure aulkia hutsik ikusteak izugarrizko mina ematen digu bihotzean, baina badakigu zure irribarrea betiko geldituko zaigula barren-barrenean.
Ezina ekinez egina esaerari eutsiz jardun duzu etengabeko lanean, arrasatear guztion onurarako.
Zauden lekuan zaudela, Jabi, hartu gure agurrik beroena.
Maitasunez.
----------
Edurne Unamuno
Arrasateko EAJko zinegotzien izenean
Arrasate