30 ekintzatik gora egin ditugu aurten.
Irteera batzuk Bergaran bertan izan dira, herriko Udalak, eragileek, ikastetxeek eta kultur eta auzoetako jai batzordeek eskatuta.
Bergaratik kanpo ere egin ditugu irteerak; esaterako, Elgoibar, Elgeta, Zornotza, Solsona, Azpeitia, Bermeo eta Markina-Xemeinera.
Urte berezia izan arren, arazo batekin hasi genuen, erraldoiak eramateko erabiltzen dugun kamioiak matxura handia izan zuen eta. Matxura konpontzeak kostu altua zuen, eta, horri aurre egiteko, inguruko enpresei eta erakundeei dirulaguntza eskatu genien. Kanpaina horri esker, kostuaren zati garrantzitsu bat estaltzea lortu dugu. Horregatik, eta eman diguten laguntzagatik, bihotzez eskerrak eman nahi dizkiegu honako eragile hauei: Bergarako Udala, Ecenarro, Fegar, Goizper, Ibili, Lacor, Royde eta Soraluce.
Beste kultur elkarte asko bezalaxe, Bergarako Erraldoi Taldea boluntarioz osatuta dago, eta egoera ekonomiko zehatz batzuk noizbehinka gainditzen gaituzte.
Mila esker zuen ekarpenagatik, arazo hori bideratzen laguntzeagatik!
2026. urtea gogo biziz hasi dugu. Gu ezagutu eta gure taldeko kide izan nahi baduzu, urtarrilaren 18an, igandea, arratsaldeko bostetan, Zabalotegin egingo dugun entsegura etorri.
---------
Andoni Goiti Bilbao
Bergarako Erraldoi Taldea
Bergara