Zale amorratuak ez garenontzat ere aukera ederra izaten da gidarien eta kopilotuen abileziak bertatik bertatik bertara ikusteko.
Baina lerro hauen bitartez antolakuntzako arduradunengana jo nahiko nuke, betiere, hobetze alderako helburu bakarrarekin, lasterketa ikusgarri horrek indartsu jarrai dezan gure bailaran.
Entzun dudanez, goizeko eta arratsaldeko saioen artean, lasterkariak bi orduz gelditzen dira.
Geldiune horretan, ez daukate komunik bertan, eta, gehienbat, gero eta kopuru handiagoan parte hartzen duten emakumeek ez daukate komunik bertan. Imajinatu egoera, udan, beroarekin, monoa kendu behar eta distantzia batera joan behar komuna erabili ahal izateko.
Ea hurrengo lasterketetan alde hori hobetzerik badagoen eta pilotuen ardura bakarra lasterketa polita eskaintzea bihurtzen den.
Bukatzeko, eskerrik asko lasterketa hori egitea posible egiten duzuen pertsona guztiei.
----------
Mikel Errasti Legazpia
Aretxabaleta