Bai, ordea, gehiegikeria bat. Zenbat petardo bota zituzten Monterron azpian? Arratsaldeko zortzietan entzun nituen lehenak, eta 02:00etan entzuten jarraitzen nuen.
Ulertzen dut ospatzeko beharra izan dezaketela batzuek, jada hemen ez daudenen oroigarri gisa bota daitezkeela petardoak, eta milaka eta milaka arrazoi.
Baina ez al dago ospatzerik, herri osoa molestatu gabe? Zerura halako produkturik bota gabe?
Zer esanik ez, horrelako zaratekin nola beldurtzen diren animaliak; hots, txakurrak. Baina, nola ez, gizakia, bere handikeria guztiekin, nahi duena egiteko jaun eta jabe dela sinistuz.
Harremantzeko, ospatzeko, zoriontzeko, barkatzeko... modu eta joera berriak ikasi eta barneratu behar ditugu, urgentziaz.
Ezin dugu jarraitu parrandan arma zuriak erabiltzen, erasotzen, gureak ez diren espazioetan sartzen eta suntsitzen, nahi dugunean eta nahi dugulako pila bat petardo botatzen. Guk, gizakiok, geroz eta limite gutxiago ditugu, baina naturak badu bere zikloa, eta errespetatu ezean desagertu egingo gara; ea konturatzerik badugun horretaz, berandu izan baino lehen...
----------
Maddi Etxabe Heriz
Arrasate
