Martxoaren 8a Emakumeen Eguna, apirilaren 17a Preso Politikoen Nazioarteko Eguna, maiatzaren 1a Langileen Eguna...
Eta azaroaren 29a Palestinarekiko Elkartasun Egun izendatu zuten. Baina azken hori nortzuek eta zergatik izendatu zuten?
Kontuan eduki behar dugu egun hori nork ipini zuen eta zergatik. 1947ko azaroaren 29an, NBEko estatu kolonialistek eta estatu horien jarraitzaileek Palestina bi estatutan banatzea onartu zuten, palestinar herria kontuan izan gabe. 1977an, NBEk azaroaren 29a Palestinarekiko Elkartasun Egun izendatu zuen; 1978an aldarrikatu zen lehen aldiz, eta, ordutik hona, ezer ez egitean datza eguna. Kolonia sionistak finantzatu eta kolonizazioa babesten jarraitu baitu NBEk.
Palestinako herriaren nahia entzunik, hau aldarrikatu nahi dugu: azaroaren 29a ez da Palestinarekiko Elkartasun Eguna izango, egun hartan Palestina bitan zatitu baitzuten.
----------
Igor Urizar Murgoitio
Arrasateko BDZren izenean
Arrasate
