Arrasateko Mugikortasun Jasangarrirako Planaren Eguneratzea. Txosten mardul honetan, azkenean lortu dut topatzea non aipatzen duen zerbait geltoki berriaren inguruan (4.3.3 atala). Bertan, ahulezia, abantailen eta mehatxuen taulaz gain, esaldi bakar bat topatu dut Laubideko aukeraren kokaguneari buruz: Beste aukera erdigunean ezartzea da, Laubide plazaren eta Kontzezino, Nafarroa eta Garibai arteko biribilgunearen espazioa erabiliz, kale hori erabat birmoldatuta biribilgune izateari utzi baitio. Jarraian, AMIA matrize bat aurkeztuko dugu (ahuleziak, indarguneak, mehatxuak eta aukerak) bi kokaleku posibleetako bakoitzerako. Ez krokis bat, ezta marrazki bat, nola geldituko litzatekeen trafikoa, nola geldituko litzatekeen orain berdegune eder bat den lekua... Ezer gehiago ez. Eta horrekin bakarrik jendearen esku lagatzen dute horrelako erabaki garrantsitzu bat aste baten hartzeko? Lotsagarria!
Hirietako erdiguneko trafikoa emisio gutxiko ibilgailuetara mugatzen ari diren garaian, Arrasaten baldintza horiek betetzen ez dituzten 200 autobus gehiago erdigunera bideratzea proposatzen gabiltza, dauden berdeguneak kenduz. Ekoboulebar berriak egitea baino merkeago izango da dauden berdeguneak konserbatzea, ezta?
----------
Maitere Larrañaga
Kontzezino kaleko bizilaguna
Arrasate
